(Видео) Сојузникот на Трамп, Чарли Кирк, подлегна на повредите здобиени во атентатот
Чарли Кирк, конзервативен активист и коосновач на организацијата „Turning Points USA“, подлегна на повредите денес кога беше убиен во американската држава Јута.
Оваа информација ја потврди претседателот на Соединетите Американски Држави, Доналд Трамп, во објава на социјалната мрежа Truth.
„Големиот, дури и легендарен, Чарли Кирк е мртов. Никој не го разбираше или немаше срце на младите од Соединетите Американски Држави подобро од Чарли. Сите го сакаа и му се восхитуваа, особено мене, а сега тој повеќе не е со нас.
Меланија и јас изразуваме сочувство до неговата прекрасна сопруга Ерика и семејството. Чарли, те сакаме“, рече Трамп.
Кирк беше застрелан денес додека држеше говор на отворено на Универзитетот Јута Вали.
Тоа беше една од низата јавни дебати по кои беше познат, која се вика „Докажи ми дека грешам“.
Голем број студенти присуствуваа на собирот, кога во еден момент се слушна истрел.
Врз основа на снимки објавени на социјалните мрежи, може да се види како Кирк е погоден во вратот од куршум и обилно крвари додека паѓа на земја.
После тоа, толпата почнала да вреска и да бега.
Американските медиуми објавија дека бил придружуван од лично обезбедување.
Тој бил однесен во болница, а АП првично објави дека е во критична состојба.
Трамп претходно, како што потсетуваат американските медиуми, го пофали Кирк како клучен за неговите добивки меѓу младите гласачи на минатогодишните претседателски избори.
Кирк е најпознат како основач на „Turning Point USA“, непрофитна организација која работи на стотици американски универзитети и средни училишта, промовирајќи конзервативни идеи меѓу младите луѓе.
