Би-Би-Си: Најмалку 78 мртви во напад со дрон врз џамија во Судан

Најмалку 78 лица се убиени во напад со дрон врз џамија во суданскиот регион Дарфур, изјавија медицински извори за Би-Би-Си.

Паравоените Сили за брза поддршка (РСФ) беа обвинети за нападот во градот Ел Фашер, но групата не ја презеде одговорноста.

Според жител, дронот ја погодил џамијата вчера за време на утринската молитва.

Медицински извор изјави дека, според најновите податоци, 78 лица се убиени, а околу 20 се повредени, но дека процесот на извлекување тела од урнатините на зградата сè уште е во тек.

Во граѓанската војна со суданската армија, која трае повеќе од две години, РСФ се обидува да ја преземе целосната контрола врз Ел Фашер, последното воено упориште во Дарфур, каде што живеат повеќе од 300.000 цивили