Водоснабдувањето ќе биде прекинато до завршување на работните активности, соопштија од Јавното претпријатие „Водовод и Канализација Скопје“

 

Сериозен дефект на водоводна цевка Ф600мм во Влае е причината за поплавата во населбата, како и за тоа што во делови од градот вечерва снема вода, а на други места притисокот е намален.

Од Јавното претпријатие Водовод и канализација – Скопје соопштија дека голем дел од градот ќе остане без вода, а останатите со намален притисок, до отстранување на дефектот.

„Со прекинато водоснабдување ќе биде голем дел од градот, а останатот дел од градот ке биде со намален притисок. Водоснабдувањето ќе биде прекинато до завршување на работните активности“,објавија оттаму вечерва.

 

 

Граѓани на социјалните мрежи објавуваат дека вода веќе нема во Хром, Ѓорче, Влае, Карпош… додека во Центар и Аеродром значително е намален притисокот.

Претходно, порталот „24Info.mk“ објави видео од хаваријата во Влае.