Роналдо за учеството на СП 2026: Мојата филозофија е да живеам ден за ден, без долгорочни планови
Фудбалерот на Ал-Наср, Кристијано Роналдо, на церемонијата на доделувањето на „Португалски фудбалски глобуси 2025“ изјави дека нема долгорочни планови и сè уште не знае дали ќе игра на Светското првенство во 2026 година.
– Благодарен сум на сите мои соиграчи за сè што научив од нив, па дури и од помладата генерација. Нашата цел е да ги добиеме следните два натпреварa и да се квалификуваме за Светското првенство. Ќе видиме што ќе се случи на Светското првенство… Сакам да играм уште неколку години, не многу… Искрено, сè уште постигнувам успех помагајќи му на мојот клуб и на репрезентацијата. Зошто да не продолжам? Сигурен сум дека кога ќе се пензионирам, ќе бидам задоволен.
Главната работа е да уживам во секој момент. Знам дека немам многу време, но сакам да го искористам максимално. Мојата филозофија е да живеам ден за ден. Без долгорочни планови. Уживам во секој ден и на секој тренинг, го цитира Роналдо, инсајдерот Фабрицио Романо на социјалните мрежи.
Четириесетгодишниот Португалец игра за репрезентацијата на Португалија од 2003 година. На 223 натпревари, тој постигна 141 гол и имаше 45 асистенции.
