Хумус со тиква

Без разлика дали се служи со крекери или препечен леб, хумусот со тиква ќе воодушеви со својот кремаст есенски вкус.

Состојки:

400 грама излупена тиква

480 грама наут од конзерва

2 лажички сув црвен пипер

цеден сок од 1 лимон

2 чешниња лук

сол

црн пипер

50 мл маслиново масло

Подготовка:

Исечете ја излупената и исчистена тиква на коцки. Ставете ги во плех за печење и печете во рерна загреана на 180 °C околу 30 минути, додека не омекне. Печената тиква оставете ја да се олади.Ставете го исцедениот наут, печената тиква, сувата пиперка, сокот од лимон, толчениот лук, солта и црниот пипер во блендер и изблендирајте додека не добиете хумус. Пред сервирање, прелијте го хумусот со маслиново масло.

Совет:

Чувајте го хумусот во фрижидер до сервирање.