УЈП без одговор зошто третина од македонските граѓани не ги добија парите

Управата за јавни приходи (УЈП) без одговор зошто голем дел од македонските граѓани не ги добија своите средства кои им следуваат од скенирањето на фискални сметки.

Вчера беше последниот рок за исплата на средствата, а голем дел од граѓаните не ги добија своите средства. Ова се случува за првпат од воведувањето на оваа мерка, која е една од ретките кои директно враќа средства кај граѓаните.

Се работи за редовниот поврат за последниот пресметковен период (јули, август и септември) кој пристигнува на трансакциските сметки.

Од друга страна апликацијата МојДДВ денеска во поголемиот дел од денот не функционира, односно граѓаните не можат воопшто да скенираат сметки.

Извор: nezavisen.mk