Овие возови нема да сообраќаат 6 месеци поради реконструкција на пругата!

Железници на Северна Македонија – Транспорт АД-Скопје информира дека се укинуваат повеќе возови од 11 декември 2025 до 10 јуни 2026 година,

Причината е реконструкција на пругата на делницата Скопје – Зелениково.

Нема да сообраќаат следниве возови: возот број 601 на релација Скопје – Велес, со време на тргнување во 8:00 часот, возот број 2081 на релација Скопје – Велес со време на тргнување во 13:20 часот, возот број 643 на релација Скопје – Битола, со време на тргнување во 14:30 часот, возот број 2080 на релација Велес – Скопје, со време на тргнување во 12:10 часот, возот број 2082 на релација Велес – Скопје со време на тргнување во 14:24 часот и возот број 642 на релација Жабени – Скопје, со време на тргнување во 11:15 часот“, се наведува во соопштението.