Горан Ангелов-Ќосето доби слобода по 8 години во затвор за „27 април

Горан Ангелов-Ќосето по 8 години минати зад решетки за „27 април“ излезе на слобода.

Ангелов за порталот МКД ја потврдил информацијата, посочувајќи дека добил условен отпус, откако одлежал две третини од казната, односно 8 од вкупно 11 години.

Поради низа здравствени проблеми, тој неколку пати добиваше прекин на издржување на затворската казна, па повторно беше враќан зад решетки.

Ангелов беше осуден за „крвавиот четврток“, односно за насилниот упад во Собранието од 27 април 2017 година.

Во рамки на овој случај,16 лица беа правосилно осудени на затворски казни од 7 до 16 години за терористичко загрозување на уставниот поредок и безбедноста.