Ирански парламентарен комитет се закани со џихад доколку биде нападнат врховниот лидер Али Хамнеи

Секој напад врз иранскиот врховен лидер, ајатолахот Али Хамнеи, ќе резултира со прогласување џихад, или света војна, соопшти парламентарниот комитет за национална безбедност, цитиран од британските медиуми.

Тензиите меѓу Иран и САД ескалираа по бруталното задушување на протестите во Иран, за кое американскиот претседател Доналд Трамп предупреди дека може да доведе до одмазда од Вашингтон.

„Секој напад врз врховниот лидер би значел објавување војна на целиот исламски свет и би барал издавање на декрет за џихад од страна на исламските научници (религиозни власти во исламот) и одговор од исламските војници во сите делови на светот“, изјави парламентарниот комитет за иранската новинска агенција ISNA.

Иранскиот претседател Масуд Пезешкијан во неделата изјави дека секој напад врз врховниот лидер на земјата би претставувал објавување на војна.