Русија во јануари загуби над 30.000 војници во борбите во Украина

Повеќе од 30.000 руски војници беа „елиминирани“ во јануари, а секој случај беше потврден со видео, изјави денеска украинскиот министер за одбрана Михаило Федоров.

„По рекордните загуби регистрирани во декември, потенцијалот на непријателот е намален, но единиците со беспилотни летала успеаја да одржат високо ниво“, рече Федоров на Телеграм, додека се приближува четвртата годишнина од почетокот на руската инвазија на Украина на 24 февруари 2022 година.

Украинскиот министер додаде дека „стратешката цел е да се елиминираат 50.000 Руси месечно“.

Во декември, Федоров објави 35.000 смртни случаи во руските редови, потврдени со видео снимки.