Насилник од Свети Николе им извадил нож на синовите

Вчеравечер е уапсен 65-годишен жител на Свети Николе, кој пијан ги нападнал двајцата синови и им се заканувал со нож, соопшти МВР.

„На 07.02.2026 во 22:45 часот во Свети Николе, полициски службеници од ОВР Свети Николе лишија од слобода 65-годишен маж од Свети Николе, постапувајќи по претходна пријава дека околу 21:30 часот во семејниот дом со остар предмет им упатувал закани на неговите два сина, а и физички го нападнал едниот син.

Констатирано е дека 65-годишникот е под дејство на алкохол, односно му биле измерени 2,16 промили алкохол во крвта. По целосно документирање на случајот ќе следува соодветна пријава“, пишува во полицискиот билтен.