ВМРО-ДПМНЕ: Одлуката за домашен притвор е на Обвинителството, сите забелешки СДС да ги испрати на таа адреса

Одлуката за домашен притвор е на Обвинителството. Истото она со два отсто доверба и за кое СДС се бореше да биде несменето до последниот здив. Сите забелешки може да ги испратат до таа адреса, и до омилените на Венко обвинители, стои во соопштението на ВМРО-ДМНЕ, бидејќи се исклучително недоследни. Изутрина тврдат дека ДУИ одработува за ВМРО-ДПМНЕ, а сега дека е обратно.

А всушност СДС се вистински во паника затоа што нивниот криминоген другар Артан Груби може да проговори за сите ортачки криминали на владите на Зоран и Вице, на Венко и Ковачевски, за бизнисите на Зечевиќ.

Зошто врхушката на СДС денес заседаваше и „вртеше” телефони интересирајќи се за исказот на Артан Груби во обвинителство. Ова е и причината зошто СДС во случајот со Груби се однесува по логиката иста на онаа: „лопов вели држете го лоповот”.

Црната кутија за криминалите на СДС и ДУИ падна. Прашање на време е кога “исплашените” од СДС ќе му прават на судските клупи друштво на Артан Груби.

Центар за комуникации на ВМРО-ДПМНЕ