Директорката на Лувр поднесе оставка

Директорката на Лувр, Лоренс де Кар, поднесе оставка, која беше прифатена од претседателот на земјата, Емануел Макрон, четири месеци по спектакуларниот грабеж во најпосетуваниот музеј во светот, соопшти денес Елисејската палата.

Макрон ја поздрави нејзината одлука како „чин на одговорност во време кога најголемиот музеј во светот има потреба од смирување на тензиите и нов силен моментум за спроведување на големи проекти за безбедност и модернизација“.

„Грабежот на векот“, како што го нарекоа медиумите, стана познат низ целиот свет на 19 октомври, откако криминалците беа снимени како го крадат кралскиот накит за само неколку минути користејќи обичен товарен лифт.

Но, проблемите не завршија тука: покрај тоа што беше жртва на спектакуларна кражба вредна 88 милиони евра, најпосетуваниот музеј во светот објави на 12 февруари дека е цел на огромна измама со билети, која предизвика штета од над 10 милиони евра.

Денот потоа, истекувањето на вода го оштети и обоениот таван од 19 век, што ја принуди институцијата привремено да затвори одредени сали.