Нетанјаху изјави дека Трамп го информирал за новата можност за договор со Иран кој „ги штити израелските интереси“

Во своите први изјави откако американскиот претседател Доналд Трамп објави дека води разговори со Иран за ставање крај на војната, израелскиот премиер Бенјамин Нетанјаху рече дека Израел „ќе ги заштити своите витални интереси во секоја ситуација“.

Во видео изјава, Нетанјаху рече дека денеска телефонски разговарал со „нашиот пријател“ Трамп.

– Трамп верува дека постои шанса да се искористат масивните достигнувања на ИДФ (израелските одбранбени сили) и на американската војска со цел да се постигнат целите на војната преку договор — договор кој ги штити нашите витални интереси – рече Нетанјаху.

Во исто време, како што пренесе Тајмс оф Израел, Нетанјаху нагласи дека Израел „продолжува со нападите во Иран и во Либан“.

– Ја уништуваме ракетната програма и нуклеарната програма и продолжуваме силно да го удираме Хезболах. Пред само неколку дена елиминиравме уште двајца нуклеарни научници, а нашата рака е сè уште подадена, рече Нетанјаху.