Мицкоски: Водиме преговори на билатерално ниво за ЕЕС

Премиерот Христијан Мицкоски денеска, одговарајќи на новинарски прашања во врска со системот ЕЕС (за влез и излез во Европската Унија), истакна дека се водат преговори на билатерално ниво и изрази надеж дека овие бариери ќе бидат надминати. Тој додаде дека Владата бара сеопфатно решение.

„Има политичари од соседството кои сакаат политиката да ја направат естра: Јас немам таква намера, јас сакам да зборувам за работи што ќе се случат. Инаку да, се водат преговори и врз основа на тие преговори ценам дека на основа на билатерално ниво ќе бидат надминати овие пречки, но не само за летниот период, зборувам генерално, ние бараме генерално решение“, наведе Мицкоски.