Тело на Русинка пронајдено во куфер – ја бараа шест дена, сомнежите се дека била убиена, па фрлена во канал

Тело на жена беше пронајдено во куфер во каналот во Падинска Скела.

Станува збор за руската државјанка Људмила Туркова Константиновна, која исчезна на 25 јули годинава.

Засега нема официјална потврда за идентитетот на пронајденото лице, а надлежните органи ги утврдуваат сите околности на случајот.

Телото е испратено во Институтот за судска медицина, каде што со обдукција ќе се утврди точната причина за смртта и ќе се потврди идентитетот на жртвата.

Таа последен пат е видена на 25 јули. Според претходните информации, таа се подготвувала да оди во ноќен клуб во Белград, но не е познато дали навистина стигнала таму.

Безживотното тело на жената беше пронајдено синоќа во каналот во Падинска Скела, што ги вознемири жителите на оваа белградска населба.