Според Тошковски, најголемиот број прекршоци се однесуваат на пребрзо возење, додека само три до четири случаи биле регистрирани за минување на црвено светло. Во Велес е отворен и команден центар за системот „Безбеден град“, сместен во целосно реконструираните поранешни простории на Министерството за одбрана.

Тошковски им се заблагодари на граѓаните за, како што рече, одговорното однесување и почитувањето на сообраќајните правила.

Министерот нагласи дека целта на системот не е зголемување на приходите во државниот буџет, туку поголема безбедност на патиштата.

„Безбеден град“ веќе покажува резултати и преку намалувањето на бројот на жртви во сообраќајни несреќи, посочи Тошковски.

Според податоците што ги презентираше, во првите осум месеци од минатата година на патиштата во Македонија животот го загубиле 96 лица, додека во истиот период годинава бројката е намалена на 61 жртва.