Бензините поскапуваат – дизелот поевтинува

Од ноќеска на полноќ се зголемуваат максималните малопродажни цени на бензините, екстра лесното масло и мазутот, додека дизелот поевтинува, одлучи Регулаторната комисија за енергетика.

Еуросупер БС-95 ќе се продава по максимална цена од 100,50 денари за литар, а Еуросупер БС-98 по 102,50 денари за литар, што е зголемување од 3,50 денари за литар.

Цената на Еуродизелот се намалува за два денари и ќе изнесува најмногу 99 денари за литар.

Екстра лесното масло за домаќинство поскапува за 4,50 денари и ќе чини најмногу 109,50 денари за литар. Мазутот поскапува за 2,242 денари за килограм и ќе се продава по максимална цена од 48,243 денари за килограм.

Од РКЕ информираат дека во просек малопродажните цени на нафтените деривати се зголемуваат за 2,86 отсто во однос на претходната одлука од 7 септември.

Промената е направена врз основа на повисоките референтни цени на нафтените деривати на светскиот пазар.