Мандиќ ги инсценираше нападите за да изгледа дека Република Српска ги брка студентите

Срѓан Миливојевиќ, претседател на Демократската партија во Србија изјави дека
зад организираните инциденти и напади врз студентите во Република Српска стои Владимир Мандиќ, функционер на СНС, син на Момчило Мандиќ, познат воен профитер, и еден од главните “чаци”.

​-Со организирањето на шака криминалци и ситни разбојници, Мандиќ се обиде да создаде лажна слика дека студентите од Србија се непожелни во Република Српска. Затоа мора да биде целосно јасно: ова не е судир меѓу студентите и граѓаните на Република Српска, ниту пак судир меѓу граѓаните на Србија и на Република Српска. Зад нападите и провокациите стојат луѓе ангажирани преку структури поврзани со СНС и мафијашкиот режим на Вучиќ.
​Обидот на овој начин да се скараат граѓаните од српска националност од двете страни на Дрина е подеднакво подмолен колку што е и провиден. Граѓаните на Република Српска, исто како и граѓаните на Србија, добро знаат дека денес во Србија се бира помеѓу Србија и мафијата.
​Нашето цврсто убедување е дека граѓаните на Република Српска не можат да бидат против Србија која денес ја претставуваат студентите, како што не можат да бидат ниту за мафијата која недвосмислено ја претставува Вучиќ.
​Противникот на Србија и на студентите е ист од двете страни на Дрина: мафијашкиот режим кој ја држи Србија како заложник и со своето дејствување му нанесува штета на целиот регион.
​Но, не уште долго. Студентите победуваат – напиша Миливојевиќ.