Во Литванија почнаа вежби за мобилизација и евакуација
Во Литванија почнаа годишни национални вежби за мобилизација, за време на кои ќе се провери подготвеноста за одговор на евентуално влошување на безбедносната состојба и преминување во состојба на мобилизација во случај на војна.
Вежбите ќе траат до 3 октомври и ќе комбинираат теоретски сценарија со практични активности во кои учествуваат околу 3.000 државни службеници, претставници на општини и владини агенции, деловни субјекти и невладини организации, како и околу 1.000 волонтери.
Раководителот на Литванскиот национален центар за управување со кризи, Вилмантас Виткаускас, изјави дека вежбата ќе го тестира и континуитетот на работата на владата, како и начинот на кој владините агенции донесуваат одлуки и поставуваат приоритети под притисок.
