Активистите за човекови права ја критикуваа уредбата на италијанската влада за образованието

Активистите за човекови права денеска ја критикуваа уредбата на италијанската влада за образование, која, меѓу другото, воведува ограничување од 30 проценти за ученици кои не го познаваат доволно италијанскиот јазик во часовите во италијанските училишта.

Даниела Јонита од организацијата „Италијанци без државјанство“ оцени дека италијанската премиерка Џорџа Мелони одлучила да го преземе тој чекор затоа што се плашела од новите десничарски партии што неодамна беа основани, објави Гардијан.

„Тоа создава криза таму каде што всушност нема. Се проценува дека 60 проценти од учениците кои би можеле да се опишат како странци се родени во Италија“, рече таа.