Во Косово уапсен германски државјанин кој превезувал 43 автоматски пушки
Косовската полиција приведе германски државјанин во близина на Гнилане, откако при проверка на неговиот автомобил биле пронајдени 43 парчиња автоматски долгоцевни оружја.
На приведениот германски државјанин одреден му е притвор од 48 часа, под обвинение за учество во организирана криминална група, како и незаконски транспорт и трговија со оружје и експлозивни направи.
Истрагата треба да утврди од каде потекнува запленетото оружје.
