Американскиот регулатор бара проверка на резервните врати на старите модели на „Боинг“

Американски регулатор побара од авиокомпаниите темелно да ги проверат резервните врати на постарите верзии на авионите „Боинг 737“ откако авион „Боинг 737 MAX 9“ беше принуден да слета и беше повлечен од сервис поради проблеми со резервните врати.

Федералната управа за авијација (FAA) препорача синоќа превозниците да ги проверат резервните врати за итна евакуација на авионите „737-900ER“, бидејќи „Боинг“ го користеше тој модел и на поновиот „737 MAX 9“.

Властите започнаа истрага откако на сред лет падна врата од „737 MAX 9“ на „Алјаска Ерлајнс“, принудувајќи го екипажот да се врати на аеродромот каде полета во Портланд. Никој од 177-те лица не беше повреден.

FAA го приземји авионот „MAX 9“, а одлуката беше усвоена од други регулатори, вклучувајќи ја и европската EASA, повлекувајќи околу 170 авиони ширум светот.

Постариот модел „737-900ER“ не е дел од линијата на авиони „MAX“ на „Боинг“, но има инсталирана резервна врата за евакуција.

Тој не е дел од линијата на авиони на Boeing MAX, но има вградени резервни врати за евакуција кои се користат доколку превозникот сака да го зголеми бројот на седишта.

„Боинг“ наведува дека испорачал 505 авиони „737-900ER“ на компании ширум светот, а најмногу ги имаат американската „Алјаска Ерлајнс“ и „Јунајтед Ерлајнс“

Можеби ќе ве интересира
Close
Back to top button
Close