Богдановиќ бара извинување од Стојменов по обвинувањето за побарано мито

Градоначалникот на Општина Центар, Саша Богдановиќ, реагираше нагласувајќи дека општината најостро и категорично ги демантира тврдењата на Стојменов дека му било барано мито.

-Доколку некој му побарал мито на господинот Стојменов и има докази за тоа, наместо медиумски, Општина Центар го охрабрува случајот да го пријави во Основното јавно обвинителство, кое е надлежно да постапува за предмети од таа проблематика. Од Борис Стојменов бараме јавно извинување за изнесените тенденциозни тврдења за општината и градоначалникот Богдановиќ, во спротивно на истиот ќе му бидат поднесени соодветни пријави, вели градоначалникот Богдановиќ во демантот.