Бројот на апликации за азил во ЕУ на најниско ниво во април

Бројот на барања за азил се намали на 8.730 во текот на април, што претставува пад од 86 отсто од 61.421 во февруари, според податоците добиени од Европската канцеларија за поддршка на азил (ЕАСО). ЕУ ги затвори своите надворешни граници во март и многу од нејзините 27 земји-членки ја прекинаа регистрацијата на апликации.

Бројките на ЕАСО, исто така, покажуваат пад на апликациите за азил од 44 отсто од февруари до март, кога државите започнаа да воведуваат вонредни мерки. Најмногу апликанти во текот на 2020 година до април беа Сиријци, а по нив следат Авганистанци, Венецуели и Колумбијци, покажуваат податоците на ЕАСО.