Цената на житото се зголеми откако Русија се повлече од извозниот договор на Црното Море

Цената на житото на светските берзи се зголеми откако Русија во текот на викендот објави дека еднострано се повлекува од договорот за извоз на украинско жито преку Црното Море. Потегот на Кремљ создава загриженост дека повторно би можело да дојде до прекин на глобалното снабдување.

Во Чикаго, фјучерсите на пченицата се зголемија за 5,4 отсто до 8,73 долари за бушел ( бушел пченица = приближно 27 кг), што е нивно највисоко ниво од 14 октомври, но, барем засега, се уште е далеку од рекордот од март, кога цената скокна до 13,64 долари за бушел.

Фјучерсите на пченка додадоа 2,2 отсто на 6,96 долари за бушел, а сојата се најдов на 14,12 долари за бушел, што е раст од 0,8 отсто.

Москва се повлече од договорот за жито во саботата, поради напад со беспилотно летало на украинските сили врз руски цели на полуостровот Крим.

Киев возврати дека Кремљ бара изговор да го напушти договорот, а Вашингтон посочи дека Русија повторно се обидува да ја користи храната како оружје.

 

Back to top button
Close