Дик Чејни: Трамп е најголема закана за САД, ќе гласам за Камала Харис

Поранешниот потпретседател на САД, републиканецот Дик Чејни, изјави дека ќе гласа за демократската претседателска кандидатка Камала Харис, наместо за републиканецот Доналд Трамп на претседателските избори во ноември.

Дик Чејни беше потпретседател под водство на републиканскиот претседател Џорџ В. Буш од 2001 до 2009 година. Групите за заштита на човековите права го критикуваа за неговата голема улога во планирањето на војните во Авганистан и Ирак, кои доведоа до многу цивилни жртви и прекршувања на човековите права.

Дик Чејни изјави дека во 248-годишната историја на САД никогаш немало поединец кој претставувал поголема закана за таа република од Доналд Трамп.

– Секој граѓанин има должност да ја стави земјата над политичката партија за да го одбрани нашиот Устав. Затоа ќе го дадам мојот глас за потпретседателката Камала Харис – додаде тој.