ДИК го објави распределувањето на мандатите во 52. бугарски парламент: „Прогресивна Бугарија“ со мнозинство од 131 пратени

Државната изборна комисија (ДИК) на Бугарија на денешната седница го објави распределувањето на мандатите на политичките сили во 52. бугарски парламент. „Прогресивна Бугарија“ ќе има мнозинство со 131 пратеник. Податоците ги соопшти претседателката на ДИК, Камелија Нејкова, јави БТА.

Распределбата на мандатите во 52. Народно собрание е следна: „Прогресивна Бугарија“ – 131 пратеник, ГЕРБ-СДС – 39 пратеници, „Продолжуваме со промените – Демократска Бугарија“ (ПП-ДБ) – 37 пратеници, „Движење за права и слободи“ (ДПС) – 21 пратеник и „Преродба“ – 12 пратеници.

В сабота се очекува ДИК да го објави и поименичниот состав на 52. Народно собрание.

Претседателката на ДИК, Камелија Нејкова, соопшти дека на изборите одржани на 19 април вкупниот број гласачи изнесувал 3.360.330. Важечките гласови за „Прогресивна Бугарија“ се 1.444.920, за ГЕРБ-СДС – 433.755, за „Продолжуваме со промените – Демократска Бугарија“ (ПП-ДБ) – 408.846, за „Движење за права и слободи“ (ДПС) – 230.693, а за партијата „Преродба“ – 137.940.