ГАЛЕРИЈА: Лондон ги слави орхидеите

28-то издание на Фестивалот на орхидеи во Лондон ги слави цвеќињата и биодиверзитетот на Мадагаскар.

Островската држава е дом на помеѓу 10.000 и 12.000 видови растенија и едно од десет од нив се орхидеи. Околу 5.000 цвеќиња се искористени за создавање спектакуларни хортикултурни изложби во лондонската Кралска ботаничка градина, Кју. Фестивалот на орхидеите годинава трае од 3 февруари до 3 март и се одржува во Конзерваториумот на принцезата од Велс.

Орхидеите се сметаат за барометар на здравјето на островот, објаснува истражувачот Ленди Рајаовелона.

Орхидеите имаат важна улога во екосистемите на Мадагаскар бидејќи се чувствителни на условите на животната средина, на промените во климата, на сушата, недостатокот на светлина, недостатокот на влажност“.

Меѓу цвеќињата може да се забележат и некои суштества од Мадагаскар кои демнат во цветовите – како лемури со прстенеста опашка или камелеони.

Цвеќарите дури создадоа Воромбе, голема птица која не летала и некогаш била домородна на островот, но сега е изумрена.

Планирањето на овој настан трае цела година.

Колекцијата на орхидеи на Кју содржи 8.000 растенија кои покриваат 1.300 видови.