Инцидент во адвокатска канцеларија во Македонија – адвокат нападнат со нож

50-годишен стружанец му се нафрлил со нож на вработен во адвокатска канцеларија во селото Лабуништа, соопшти МВР.

„Надворешна канцеларија за криминалистички работи Струга, поднесе кривична пријава против Ф.С.(50) од Струга поради постоење основи на сомнение за сторено кривично дело „напад на службено лице при вршење на службени работи од областа на безбедноста“. На 24.10.2024 во адвокатска канцеларија во с.Лабуништа, струшко, пријавениот физички го нападнал вработениот Ш.С., при што употребил и остар предмет“, велат од полицијата.