Италијанец (33) ненадејно почина во авион, одел со бремената сопруга на краток одмор

Италијанецот Џузепе Стило (33) ненадејно починал во авион на „Рајанер“ кој полетал од аеродромот во Торино кон Ламеција Терме.

На Стило ненадејно му се слошило, а неговата сопруга седела во вториот ред од авионот, и на почетокот не ни знаела што се случува.

Дури кога го видела метежот на патниците и стјуардесите, скокнала од столот и стигнала до сопругот кој веќе бил мртов.

Италијанските медиуми открија дека Федерика Марела, сопругата на Џузепе, била бремена и дека заминале на краток одмор за да ги „наполнат батериите“ пред радосниот настан во куќата.