Kако се прослави први мај во Белград: 18.000 студенти и синдикалци заедно на протест
Вчера пред зградата на Владата на Србија се одржа протест на студентите во блокада, на кој им се придружија Сојузот на самостојни синдикати на Србија (СССС), Обединетиот грански синдикат „Независност“, Асоцијацијата на слободни и независни синдикати (АСНС), Обединетите синдикати на Србија „Слога“ и Конфедерацијата на слободни синдикати.
На овој собир беа претставени барања за измени на Законот за работни односи и Законот за штрајк, а синдикатот „Независност“ организираше на Плоштад Славија „Слободен дневник“ кој го подготвија вработените во Радио-телевизија Војводина.
Колку учесници имало на денешниот протест на синдикатите и студентите пред зградата на Владата на Србија, повторно бројките на власта не се совпаѓаат. Така, МВР и Вучиќ даваат различни проценки, а Архивот на јавни собири изнесе своја проценка, која е значително повисока и од МВР и од претседателот на Србија.
На денешниот протест пред Владата на Србија се собрале 18.000 луѓе, наведува Архивот на јавни собири.
„Проценката е извршена со метод на индивидуална детекција и броење на сите учесници врз основа на снимки забележани во 14:50 часот, кои ја покриваат целата површина каде што се одвивал собирот“, наведува Архивот.
МВР, откако Архивот ја објави оваа проценка, испрати соопштение до медиумите тврдејќи дека на протестот имало 6.200 учесници.
Најниска бројка изнесе претседателот на Србија, и тоа од Америка. Според Вучиќ, многу пред полицискиот софтвер, лично изброил 5.673 луѓе.
„Денешните собири, тажни собири, покажуваат дека нивното време поминало и сега доаѓа време за одговорност“, рече Вучиќ и додаде дека власта очекувала тројно повеќе луѓе на собирите во Белград. (Трн)
