Конечни резултати од изборите во Турција: Ердоган не победи во прв круг за помалку од 1%

Вториот круг од претседателските избори во Турција ќе се одржи во недела на 28 мај, бидејќи ниту еден од кандидатите во првиот круг не доби повеќе од 50 отсто од гласовите, најави претседателот на турската изборна комисија, Ахмет Јенер.

Според прелиминарните резултати од изборите, одржани во неделата, актуелниот претседател Реџеп Таип Ердоган освоил 49,51 отсто, а неговиот противкандидат Кемал Киличдароглу 44,8 отсто од гласовите, додека Синан Оган освоил 5,17 отсто од гласовите, пренесуваат турските медиуми.
Излезноста беше 88,92 отсто, а 52,69 отсто во странство, рече Јенер.






