Косово се надева на кандидатски статус за ЕУ

Косовскиот премиер Албин Курти денеска најави дека Приштина до крајот на годинава ќе аплицира за кандидатски статус за ЕУ, при посетата на германскиот канцелар Олаф Шолц.

-Европа е нашата судбина, Европа е нашата иднина. Сакаме кандидатски статус во ЕУ и ќе аплицираме до крајот на годината – рече Курти.

Нормализацијата на односите останува главна пречка на европскиот пат на Приштина, како и на Белград, и покрај долгогодишниот дијалог спонзориран од ЕУ, па Шолц повика на помирување.

-Двете страни мора да најдат политичко решение со глобален и траен договор што ќе придонесе и за регионалната стабилност – додаде Шолц.