Лавров за санкциите од Зеленски: Оставете ги децата да си играат за да не плачат

Во четвртокот, украинскиот претседател Володимир Зеленски потпиша указ за воведување лични санкции на рускиот претседател Владимир Путин.

Во указот, кој стапи на сила во четвртокот и беше објавен на веб-страницата на украинскиот претседател, се прецизираше дека на Путин му е забранет влез во Украина и дека му се укинати визите и блокиран целиот имот, без да се прецизира за кој имот се работи.

Сите руски министри, како и портпаролот на Кремљ, Дмитриј Песков, се под санкции, кои беа одобрени од Украинскиот совет за национална безбедност и одбрана.

Според директивата на Зеленски, 236 руски универзитети како и нивните лидери се под санкции.

Одговарајќи на прашањето за воведените санкции, министерот за надворешни работи на Руската Федерација Сергеј Лавров рече дека потезите на Киев не се вредни за коментирање.

– Мислам дека не вреди конкретен чекор од наша страна, нека си играат децата, а не да плачат – рече Лавров, пренесуваат медиумите.