Маричиќ: Во нашата програма за млади ветуваме 200 евра месечно во првите 12 месеци за секое прво вработување на лица до 26 години
![](https://libertas.mk/wp-content/uploads/2024/04/b-1024x684.jpeg)
Секретарот за меѓународна соработка и кандидат за пратеник на ИЕ1 Бојан Маричиќ се сретна со Ирина Кажиќ, млада активистка која верува во европската иднина на државата. На средбата разговараа за поддршката која СДСМ им ја дава на младите и потребите на младите во државата.
Маричиќ ја објасни програмата на СДСМ со која младите ќе добијат уште поголем пристап до вработување, европско образование, до обуки, до вештини, финансиска стабилност и мобилност.
Со обврска пред младите ветуваме дека ќе се зголеми економска независност на највиталниот дел на населението и ќе се гради европски образовен систем, Маричиќ изјави:
„Со буџет од повеќе од 6 милиони евра Еразмус плус е од огромно значење за македонските проекти во образованието. Со знаењето и вештините од европските образовни институции заедно да градиме европска позелена и дигитална иднина. “
Важна порака за младите е дека СДСМ во својата програма најавува и 200 евра месечно во првите 12 месеци за секое прво вработување на лица до 26 години, а младинскиот додаток од 3000 ќе се зголеми на 5000 денари.