Милиони евра, балканска врска и најголема акција против пиратерија во Европа: Месечно заработувале преку 250.000 евра продавајќи пиратски налози на Нетфликс, Амазон, Дизни +

Меѓународната истражителска мрежа, координирана од страна на полицијата и правосудните органи од повеќе европски земји, успешно го разби криминалнa организација што управувала со илегален стриминг низ цела Европа.

Операцијата под името „Taken Down“ опфатила земји како Италија, Велика Британија, Холандија, Шведска, Швајцарија, Романија и Хрватска, а се започнала на Сицилија и во Катаниа. Резултатот од оваа акција е разбиената мрежа која месечно остварувала илегални приходи поголеми од 250 милиони евра.

Еден од најголемите удари против илегална содржина во историјата на Европа

Оваа операција претставува најголем удар против пиратеријата во Европа, а ја водела италијанската полиција, со поддршка на Eurojust и Еуропол, во соработка со бројни европски земји. Истрагата, која траела повеќе од две години била финансирана од Европската комисија. Полицијата во рамки на оваа акција спровела 89 претреси низ Италија и операциите биле реализирани во земји како Холандија, Велика Британија, Шведска, Швајцарија, Романија и Хрватска, додека истражувањето опфатило повеќе од 100 осомничени.

Како криминалната организација остварувала профит?

Илегалниот систем овозможувал несметано дистрибуирање заштитени телевизиски содржини како спортски преноси и филмови од популарни платформи како што се Скај, Нетфликс, Амазон Прајм, Дизни+ и други. Криминалната организација, која имала оперативни бази во Италија, Холандија, Романија и Хонг Конг, ја ширела својата мрежа преку илегални IPTV сервери кои овозможувале пиратски пристап до содржините низ цела Европа. Во овој масивен нелегален ланец учествувале повеќе од 22 милиони корисници, сите вклучени во нелегална активност.

Криптовалути и готовина како резултат на нелегалниот бизнис

Заплена на повеќе од 2500 илегални канали и сервери, кои ги опфатиле најголемите пиратски сигнали во Европа, претставува само дел од успехот на операцијата. Полицијата открила и запленила 1,65 милиони евра во криптовалути и повеќе од 40.000 евра во готовина, додека се проценува дека вкупниот годишен профит од илегален стриминг достигнува дури 3 милијарди евра, со загуби поголеми од 10 милијарди евра за законските провајдери на ТВ услуги. Истрагата исто така опфатала криминална мрежа која се проширила низ различни земји, вклучувајќи Италија, Велика Британија, Холандија, Шведска и Швајцарија, со сервери во Романија и Кина.

Операцијата „Taken Down“ е доказ за меѓународната соработка и ефикасноста во борбата против пиратеријата и дигиталниот криминал. Разбиената организирана криминална мрежа претставува голем успех, не само во Италија, туку и низ цела Европа, со цел да се запре нелегалната дистрибуција на заштитени содржини и да се заштитат интересите на законските платформи (La stampa/Blic)