Најмалку 30 севернокорејски војници кои Русија ги распореди во Курск се убиени или ранети, според украински власти

Украинските власти денеска соопштија дека нивните војници убиле или раниле најмалку 30 севернокорејски војници кои Русија ги распоредила во нејзиниот западен регион Курск.

„На 14 и 15 декември, армиски единици на Демократска Народна Република Кореја (ДНРК) претрпеа значителни загуби во близина на селата Плехово, Ворожба, Мартиновка во регионот Курск во Русија – најмалку 30 војници беа убиени и ранети“, соопшти военото разузнавање.