Направете држава на среќни амбициозни луѓе. Ковачевски на првиот час на бруцошите на Медицинскиот факултет
„Секогаш вложувајте во вашето знаење, тоa е она што ќе ве формира и како личности и како професионалци и е влог кој ќе ви се врати повеќекратно низ животот. Знаењето е единственото нешто кое никој никогаш не може да ви го одземе. Таму всушност лежи моќта на сите промени кои ќе ги направите и за самите себе и за општеството. Јасно ми е дека многу работи од денешна перспектива ќе ви изгледаат непознати, тешки, и ќе ви изгледаат можеби недостижни, но сакам да ве уверам дека ако сте фокусирани, ако имате отворен ум, ако сте гладни за знаење, за вас нема да има никаква пречка. Вие – и секој поединечно и сите заедно, ако сакате и ако си го поставите како цел, можете да го смените светот околу вас“ им рече Ковачевски на идните студенти.
Ковачевски потенцираше дека луѓето се најважен ресурс за развојот на која било држава. Развојот, според него, значи економски раст, но значи и подобрување на квалитетот на живот на луѓето.
