Петиција за оставка на градоначалничката на Лос Анџелес

Петицијата која повикува на оставка на градоначалничката на Лос Анџелес, Карен Бас, собра повеќе од 57.000 потписи.

Петицијата на Change.org повикува на итна оставка на Бас „поради нејзиниот неуспех во водењето за време на оваа невидена криза“, „целосна“ и „транспарентна“ истрага за подготвеноста за катастрофи, одговорот и распределбата на ресурси, „одговорност за лошото управување со средствата од даночните обврзници наменети за помош и закрепнување од катастрофи“ како и „сеопфатен план за обезбедување на безбедноста на сите жители на Лос Анџелес во случај на идни катастрофи“.

Авторот на петицијата, наведен како „фрустриран Калифорниец“, напишал:

„Луѓето на Лос Анџелес заслужуваат водач кој е присутен, одговорен и активно работи за да ја заштити и да ѝ служи на нашата заедница. Постапките на градоначалничката Бас, или недостатокот од нив, покажаа дека таа не е способна за функцијата што ја извршува.“

Досега петицијата има собрано 58 189 верифицирани потписи.