Поранешниот француски претседател Оланд изрази желба повторно да се кандидира за функцијата

Поранешниот француски претседател Франсоа Оланд неодамна да посочи дека сака да се врати во Елисејската палата, 10 години откако ја напушти функцијата шеф на државата.

„Како можам да бидам корисен денеска? Со подготовка за изборите, затоа се подготвувам“, рече Оланд во интервју за француските медиуми, пренесува Фигаро.

Поранешниот претседател, кој сега е пратеник во францускиот Парламент, не се кандидираше на изборите во 2017 или 2022 година, но се наведува дека ќе биде кандидат на изборите во април 2027 година.

Има повеќе социјалистички кандидати за претседател, вклучувајќи ги Рафаел Гликсман, Бернар Казнев и Жером Жеди, но Оланд посочува дека сите кандидатури се „легитимни“.

Според него, секој мора да биде вклучен во избори кои се историски поради нивниот контекст и потенцијален исход.

Оланд, сепак, ја нагласи својата разлика во однос на неговите левичарски колеги.

„Веќе бев претседател, но не се кандидирав за реизбор во 2017 година. Немам страствен однос со власта, туку со Франција“, објасни тој.

Како што додаде, тоа е и начин да се нагласи искуството и одговорноста стекнати преку вршењето на власта, особено затоа што светот е распаднат и во кој „демократијата е загрозена“.

Оланд тврди дека Французите на крајот ќе се свртат кон кандидат кој ќе им всади доверба, заштита и надеж.

Се очекува Оланд да ги изложи своите мисли за меѓународните превирања во книга што ќе биде објавена пред крајот на годината, објави Паризиен.