Путин му честиташе на Трамп за преземањето на функцијата, изрази подготвеност за дијалог

Рускиот претседател Владимир Путин му честиташе на новоизбраниот претседател на Соединетите Американски Држави, Доналд Трамп, за неговата денешна инаугурација и рече дека е отворен за дијалог со новата американска администрација за Украина и нуклеарното оружје.

„Му честитаме на новоизбраниот американски претседател за преземањето на функцијата“, рече Путин за време на видео средбата со постојаните членови на Советот за безбедност на Русија, пренесува РИА Новости.