Русија е подготвена да произведува авиони од петта генерација Су-57 во Индија

Портпаролот на рускиот државен извозник на оружје „Рособоронекспорт“ изјави дека Русија е подготвен да произведува борбени авиони од петта генерација Су-57 во Индија за потребите на индиските воздухопловни сили.

Тој додаде дека производството на авионите би можело да почне уште годинава, ако Владата на Индија го прифати предлогот.

– Изработката на авионите во Индија, со целосен трансфер на технологија, ќе гарантира дека производството и одржувањето нема да бидат засегнати од западните санкции против Русија, посочи портпаролот на „Рособоронекспорт“.

Министерството за одбрана на Индија сè уште не ја коментираше руската понуда.