САД им честитаа на Студентската листа и на граѓаните на Србија по повод изборите одржани на 25 октомври
Соединетите Американски Држави им честитаа на Студентската листа и на граѓаните по повод вонредните парламентарни избори одржани на 25 октомври, со желби за уредна транзиција на власта и унапредување на стратешкото партнерство меѓу САД и Србија.
На профилот на Амбасадата на САД во Белград на X е наведено дека САД „им честитаат на Студентската листа и на граѓаните на Србија по повод вонредните парламентарни избори одржани на 25 октомври“.
„Се радуваме на уредната транзиција на власта и на заедничката работа на унапредувањето на стратешкото партнерство меѓу САД и Србија, како и на регионалната стабилност“, се додава во објавата.
Според прелиминарните резултати на РИК врз основа на 8.338 обработени избирачки места од вкупно 8.392, на парламентарните избори одржани на 25 октомври „Студентската листа“ освои 53,04 отсто од гласовите, додека листата „Александар Вучиќ – Обединета Србија“ освои 38,97 отсто.
