САД назначија нов в.д. амбасадор во Киев

САД назначија нов вршител на должноста амбасадор во Киев, а тоа е Џули Дејвис, која сега е амбасадорка на земјата на Кипар, објавија светските агенции. Дејвис зборува руски и е дипломат со богата кариера, работејќи главно во поранешните советски републики.

Дејвис ќе биде највисоко рангиран американски дипломат во Украина во отсуство на амбасадор. Таа ќе ја комбинира амбасадорската функција во Кипар со нејзината нова улога во Киев.

Последната американска амбасадорка во Украина, Бриџит Бринк, поднесе оставка минатиот месец по три години во Киев. Таа беше назначена на функцијата од демократот Џо Бајден во 2022 година, кратко по почетокот на руската инвазија на Украина.

Администрацијата на Трамп сè уште не одлучила кој ќе биде амбасадор во Киев. Номинацијата на Џули Дејвис доаѓа еден ден по потпишувањето во Вашингтон на билатералниот договор меѓу САД и Украина за украинските минерали