Шарлатани!
Пишува: ДЕСТАН ЈОНУЗИ
Општество кое се храни со политички изјави, а политичките изјави се претвораат во пароли и секојдневна храна, тоа општество има сериозни проблеми со своето здравје.
А впрочем, веќе извесно време, дел од нашето општество,единствен извор на ментална и духовна храна, ги има политичките изјави, по што се фасцинира, како да се ремек-дела на уметноста.
Луѓе, нема плод од празни декларации, тоа се обични блефови, по што доаѓа реалноста. А нашата политичка реалност е многу јасна. Затоа што нашата земја има опозиција на шарлатани!
Северна Македонија е на раскрсницата меѓу Западот и Русија и ова треба да го шокира секој човек во оваа земја – се друго е празна реторика.
Единствениот ефект од ваквите изјавите е воздигнувањето на некои тутки кои едвај чекаат вакви моменти да ја покажат својата храброст дека ја „штитат“ Северна Македонија од нејзините граѓани, од ЕУ за која сонуваат…
Опозициски лидер не може да си ако зад себе немаш вистински дела и видлива работа. Кај нашиот Христијан се може да се најде, освен добри дела. Бескрајни изјави, кои деноноќно покажуваат колку се лоши другите и колку е тој добар.
Каква мизерија!
Опсесивните дебати за промена на уставот ја покажува калта во која се наоѓа нашето општество, а во друга димензија ја отсликува нашата сериозна криза, за политички компромисот за главните прашања како што е проевропскиот и проамериканскиот курс на земјата. Лажните патриоти обично бараат такви ситуации да излезат на површина и да ги испразнат батериите на омраза.
Ако целата оваа опсесија се претвори во политички компромис за нашата земја, за нашите европски вредности, сигурно многу наши аномалии ќе беа побрзо излечени и нашата глупост ќе беше намалена.
Рамката за преговорите ја постави Европската комисија и таа рамка беше создадена врз основа на францускиот предлог, што го прифати и Собранието на Северна Македонија. Тоа е едноставно рамка која е за иднината, за просперитетот на граѓаните, за европските вредности и за остварување на нашата крајна цел, а тоа е остварување на националниот интерес за членство во Европската Унија.
Сите овие активности што ги презема опозицијата, лидерот на опозицијата, се класична манипулација на јавноста во остварување на лични и политички цели. Не е доволно декларативно да сте за членство во Европската Унија и во исто време, политичките чекорите што ги преземате не само што помагаат, туку во голема мера се товар на целиот процес за Европската Унија.
Христијан Мицкоски и опозициската партија ВМРО-ДПМНЕ треба да размислуваат за интересот на државата, а не да чекаат бегалецот за криминал и корупција од Будимпешта, Никола Груевски, да им го диктира текот на политичките движења. На граѓаните на Северна Македонија не им треба членство во ЕУ каде бескрупулозниот криминалец како Никола Груевски може да го диктира курсот.
Мора еднаш засекогаш да се разделат прогресивните сили во државата, од оние ретроградни сили, оние сили кои не и помагаат на државата да напредува.
Политичките партии не можат да имаат ексклузивно право да бидат дел од тој прогресивен фронт. Во тој „БРОД“ треба да се и сите прогресивни граѓани, невладини организации, интелектуалци… Сите оние кои мислат дека на кој било начин можат да придонесат за напредок државата, вклучително и прогресивните сили на ВМРО-ДПМНЕ, но не и Никола Груевски! Човек што ни ја уништи државата за 11 години, не може да ни го каже патот на светлината. Од лопов, домаќин не бидува! – брилијантна поговорка од покојниот дедо ми!Како што се однесуваат во моментов во Скопје и Будимпешта, ние имаме само едно сигурно: над нашето небо секој ден сè повеќе го зголемуваме знамето на глупоста.
