Слуцкиј: Подготовките за средба Путин – Трамп се во напредна фаза

Подготовките за средба на рускиот претседател Владимир Путин со американскиот колега Доналд Трамп се во напредна фаза, изјави шеф на Комитетот за надворешна политика на Думата, Леонид Слуцкиј.

Двајцата претседатели изјавија дека се заинтересирани за средба на која би разговарале за контрола на нуклеарното оружје, глобалните цени на енергијата и намерата на Трамп брзо да ја заврши војната во Украина.

Слуцкиј наведе дека очекува Путин и Трамп да разговара и за ситуацијата на Блиски Исток.

Тој одби да шпекулира за точниот датум на средбата.

Февруари или март, да не шпекулираме, туку да им дадеме можност на лидерите да се подготват за тоа компетентно и сеопфатно, но тоа ќе биде наскоро, посочи Слуцкиј.