Тимот на мисијата на МААЕ денеска треба да ја посети нуклеарната централа Запорожје

Tимот експерти од Меѓународната агенција за атомска енергија (МААЕ) денеска треба да пристигне во нуклеарната централа Запорожје за да ја испита безбедносната ситуација во централата со оглед на секојдневното гранатирање за кое меѓусебно се обвинуваат руската и украинската страна.

Тимот на МААЕ вчера пристигна во градот Запорожје, а директорот на МААЕ, Рафаел Гроси, изјави дека мисијата е „техничка“ и дека нејзината цел е да спречи нуклеарна несреќа.

Тој додаде дека посетата на експерти на објектот на МААЕ ќе трае неколку дена.

Последните два реактори на нуклеарната централа минатата недела беа исклучени од електричната мрежа откако пожар ги оштети електричните линии, поради што беше прекинато снабдувањето со електрична енергија.Нуклеарната централа Запорожје, која од март е под контрола на руските сили, се наоѓа на левиот брег на реките Дњепар и е најголемата нуклеарна централа во Европа по број на единици и капацитет.