Њукасл бара 150 милиони фунти за својата ѕвезда

Њукасл постави неверојатна цена на својата ѕвезда Александар Исак. Клубот бара 150 милиони фунти за својот напаѓач, пренесе „Телеграф“.

Швеѓанецот има 11 гола во Премиер лигата од почетокот на сезоната, како и 4 асистенции. Тој го привлече интересот на многу гиганти. Челси испрати барање до „страчките“, од каде што ја одредија споменатата трансферна сума за Исак.

Арсенал, Ливерпул, Реал Мадрид и ПСЖ се други заинтересирани клубови според изворот.

Во Њукасл сепак се мирни, а Исак моментално се чувствува добро во тимот. Покрај тоа, шведскиот напаѓач има договор со клубот на уште три и пол години.