ВИДЕО | Анализа на Андоновиќ и Атовска од Украина: И покрај руската агресија, градот живее нормално
Градоначалникот на Харков Игор Терехов за Утрински брифинг и Слободен печат вели дека ова е војна против украинскиот народ.
-После цела недела без бомби и тресење на зградите. Сѐ уште не можам да кажам кажам како луѓето од Харков водат живот. Во просек има по десет проектили кои слетуваат во тој град, од кај што известував претходно. Минимум има четири мртви цивили секој ден. Не престанува пукањето, не престануваат проектилите, јави од Киев, Украина, Кристина Атовска, репортерот на „Утрински брифинг“ и „Слободен печат“, која претходно беше во Харков.
-Скокавме во во ровови за да го продолжиме патот. Два пати се најдовме под оган, вели Атовска.
Во продолжение погледнете го и интервјуто со градоначалникот на Харков, Терехов.
-За какви преговори можеме да зборуваме, ова е отворена војна против украинскиот народ и против Украина. Вие гледате дека живееме под бомби, тоа е за да не живееме мирен нормален живот, затоа руската агресија го стрела градот Харков. Па какви преговори може да има денеска, веи тој.
-Видете, има стрелање и стрелање кое е без конкретна цел. Во секој случај и сами гледате дека денеска се случува стрелање и генерално рушење на инфраструктурни објекти. Генералното рушење на цивилни домови и затоа тоа што денеска го прави руската армија е се против украинскиот народ.
-Што се однесува до мирното население, тоа ги засега милион луѓе од градот Харков. Тие живеат во градот Харков, не сакаат никаде да одат. Што се однесува до администрацијата на градот, како што велите, се обидуваме да направиме повеќе или помалку животот да изгледа нормален, да има комунални услуги, коишто денеска се извршуваат во полн обем. На граѓаните им се дава хуманитарна помош, медицински услуги. Што се однесува до образованието, децата сега кај нас се образуваат онлајн, студентите исто така се образуваат онлајн. Затоа и покрај генералното рушење и руската агресија, градот живее, изјави за Утрински брифинг и Слободен печат, Игор Терехов – градоначалник на Харков.
